والدہ کے نام خط(خیریت دریافت کرنے کےلیے)

کمرہ امتحان

20۔ اپریل 21 ء

میری پیاری امی جان!

السلام علیکم!

اللہ رب العزت میری پیاری"جنت" کو ہمیشہ خوش اور آباد رکھے۔آپ کی پیاری شفقت مجھ پر ہمیشہ قائم رہیں۔آمین!

میری پیاری امی جان ! آپ کی دوری مجھ سے برداشت تو نہیں ہوتی۔ لیکن یہ عارضی دوری حصول علم کی مجبوری ہے۔ سکول میں تحصیل علم کا سلسلہ جاری ہے۔ میری پیاری امی جان آپ کے پیارے خطوط مجھے ملتے رہتے ہیں۔ میں آپ کے کسی خط کا جواب دے پاتا ہوں اور بعض  خط جواب کے بغیر رہ جاتے ہیں۔

امی جان! گھر سے آئے ہوئے چوتھا مہینہ چل رہا ہے۔ جولائی کے آخر میں موسم گرما کی تعطیلات  ہوگی۔تب ہی گھرآؤں گا۔اور اپنی پیاری ماں کی قدم بوسی کروں گا۔اور ماں کا چاند سے بھی زیادہ خوبصورت چہرہ دیکھ کر شاد ہوجاؤگا۔انشاءاللہ

بابا جان کا خط مجھے آج ہی ملا ہے جس میں یہ تحریر تھا کہ آپ کی صحت پھر خراب ہوگی ہے۔میری پیاری امی جان! جس طرح آپ ہم سب کا خیال کرتی ہیں اور ہماری چھوٹی سی بھی تکلیف پر تڑپ جاتی ہیں۔اس طرح آپ کی صحت ٹھیک نہ ہونے کی وجہ سے ہم سب تڑپ جاتے ہیں۔ میں آپ سے التماس کرتا ہوں کہ  گھر کے کام کاج میں کود کو اتنا مصروف نہ رکھیں کہ آپ کی صحت خراب ہوجائے۔میری پیاری امی جان!آپ کسی اچھے سے ڈاکٹر سے اپنا مکمل چیک اپ کروا کر دوائی لیں اور آرام کریں۔ اور گھر کے کام کاج کے لیے کوئی ملازمہ رکھ لیں ۔آپ بس اپنی صحت کا خیال رکھیں۔

میں کسی دن اچانک گھر واپس آوں گا اور آپ سب کو حیران اور شادمان کر دوں گا۔

میری پیاری امی جان!میں آپ سے ایک با ر پھر التجا کرتا ہوں میری کامیابی کےلیے اللہ رب العزت کے حضور اپنی پیاری دعاؤں کا سلسلہ جاری رکھیے گا۔

کیونکہ اللہ رب العزت ماؤں کی دعاؤں کو کبھی رد نہیں کرتے۔میں بھی اپنی پیاری امی جان کےلئے دعاگو ہوں کہ اللہ پاک آپ کو جلد صحت یابی عطا فرمائے۔آمین

 

والسلام

آپکا بیٹا

الف۔ب۔ج